Gilauman nga magpabilin nga luya ang piso hangtod sa 2026 tungod kay ang nasud nag-atubang sa nagkadako nga risgo sa pagkunhod sa pagtubo ug nagpadayon nga kalisud sa pinansyal (fiscal constraints), matod sa ING Global Research.
Sa pinakabag-o nga Asia FX Outlook niini, gipadayon sa research firm ang usa ka “neutral bias” sa lokal nga salapi, nga ginalantaw nga ang piso mubaylo sa P58.50 karong tuiga ug modugang pa sa pagluya ngadto sa P59 matag US dollar hangtod sa ikaupat nga quarter sa 2026.
Miabot ang piso sa P59 batok sa dolyar sa miaging semana human sa ubos nga 4-porsyento nga pagtubo sa ikatulo nga quarter. Naabot niini ang labing ubos nga rekord nga P59.13 niadtong Oktubre tungod sa mga kabalaka bahin sa pagtubo sa ekonomiya taliwala sa nagpadayon nga eskandalo sa korapsiyon.
Mihinay sab pag-ayo ang pagtubo sa gross domestic product (GDP) ngadto sa 4 porsyento sa ikatulo nga quarter tungod sa 26.2-porsyento nga pagkunhod sa paggasto sa gobyerno alang sa imprastruktura human sa dakong eskandalo sa flood control project.
Ang ekonomiya, dugang sa ING, lagmit nakahiagom og dakong kapildihan sulod sa miaging duha ka tuig tungod sa mga laraw nga may kalabotan sa korapsiyon.
Photo courtesy: Business World
