Gi-activate sa Department of Energy (DOE) ang ilang emergency protocols sa mga sektor sa enerhiya subay sa pagduol sa bagyong Tino aron mapanalipdan ang suplay sa kuryente ug gasolina ug makunhuran ang kahasol niini sa mga apektadong komunidad.
Matod sa DOE, kompleto na ang Task Force on Energy Resiliency sa ahensya ug nakig-alayon usab sila sa National Inter-Agency Coordinating Cell aron mamonitor ang epekto sa bagyo ug mapadali ang recovery operations.
Namahayag si Undersecretary Felix William Fuentebella, Chair sa Task Force, nga prayoridad nila ang kaluwasan ug kaayohan sa komunidad.
Kahinumduman ang opisyal nagkanayon nga nakig-alayon sila sa mga power generators, transmission providers, distribution utilities, electric cooperatives, ug fuel suppliers aron maandaman ang bagyo ug alang sa dinalian nga pagpabalik sa serbisyo sa higayon nga ang bagyo moigo sa mga apektadong lugar.
Sa samang higayon, ang National Grid Corporation of the Philippines (NGCP) nagbutang usab og mga repair crew ingon man ang pagmentina sa mga linya sa komunikasyon, samtang ang mga electric cooperatives naglimpyo sa mga posibleng peligro sa linya sa kuryente.
Dugang pa, andam na ang diesel power plants sa NPC-SPUG sa Bohol human sa mga precautionary evacuation sa lokal nga kagamhanan.
Gitun-an usab sa DOE ang mga supply chain sa gasolina, nga magdala sa pag-access sa mga serbisyo sa emerhensya ug kritikal nga mga pasilidad. Gitambagan usab ang mga residente nga mag-andam sa mga kinahanglanon sa emerhensya.
Photo Courtesy to:Philstar.com
