Arestado ang usa ka senior citizen nga adunay standing warrant of arrest sa Barangay Nuangan, Kidapawan City, alas 10 sa buntag niadtong Nobyembre 3, 2025.
Nagmalampuson ang operasyon sa Kidapawan City Police Station Tracker Team kauban ang 1st CPMFC CPPO, PIU CPPO, North Cotabato CIDG, ug NCPHPT, nga miresulta sa pagdakop kang alyas Har, 60-anyos, ulitawo ug residente sa Purok Rambutan, Barangay Amas, sa nahisgutang syudad.
Adunay warrant of arrest ang dinakpan sa kasong Serious Physical Injury ilawom sa Article 263 sa Revised Penal Code nga gi-isyu ni Hon. Prince Sanghanan Losaria, Acting Presiding Judge, MTCC, 12th Judicial Region, Kidapawan City, penitsahan niadtong Oktubre 2, 2025.
Sa karon, himas rehas na ang akusado ug atubangon niini sa korte ang kasong gipasang-at batok kaniya. Ang malampusong operasyon, pinaagi sa gipakusog nga kampanya sa otoridad batok sa mga wanted persons.
Photo Courtesy to:PRO12 Kidapawan City Police Station
