Nipadayag ang Department of Foreign Affairs (DFA) sa ilang pagsalig nga ang partisipasyon ni Presidente Ferdinand Marcos Jr. sa ika-32nd nga Asia-Pacific Economic Cooperation (APEC) Economic Leaders’ Meeting.
Matod ni DFA Spokesperson Angelica Escalona, gilauman sa ahensya nga makakuha og dugang nga investment commitments ang Pilipinas gikan sa Republic of Korea, hilabi na sa natad sa imprastraktura, teknolohiya, ug renewable energy.
Dihang gipangutana kon ang mga isyu sa korapsyon sa nasud makaapektar ba sa paningkamot sa Presidente sa pagdani sa mga investors, si Escalona gibutyag niini nga wala niya kini makita nga babag.
Giklaro usab ni Escalona ang taho kalabot sa 700-billion won infrastructure loan project gikan sa South Korea nga giingong gipugngan ni Presidente Lee Jae-Myung. Matod niya, nahuman na ang isyu ug nipagawas na og katin-awan ang Korean government.
Gawas sa mga kalihokan sa summit, gikatakda usab nga makigtagbo si Presidente Marcos sa nagkalain-laing business leaders ug executives sa South Korea aron mas mapalapdan pa ang ekonomikanhong relasyon sa duha ka nasud.
Ang APEC Summit karong tuiga nakatutok sa pamatigayon, digital nga ekonomiya, ug rehiyonal nga kooperasyon, diin ang mga lider gilauman nga magbayloay og mga panglantaw sa pangkalibutanon nga mga hagit sa ekonomiya.
Photo Courtesy to:PIA
