Nanganak ang usa ka 19-anyos nga babaye gikan sa Mineiros, Brazil, og kambal nga batang lalaki pero lahi-lahi og amahan, usa sa pinaka talagsaong panghitabo sa natad sa medisina. Nasuta kini sa mga doktor human sa DNA test nga nagpakita nga usa lamang sa mga bata ang tugma sa giingong amahan.
Sa laing paternity test, nasuta nga ang usa ka bata lahi diay og amahan. Gitawag kini nga Heteropaternal Superfecundation, nga mahitabo kung duha ka itlog ang marelease sa usa ka ovulation cycle ug ma-fertilize sa sperm sa duha ka lain-laing lalaki sulod lang sa 24 ka oras.
Bisan kambal sila, technically half-siblings kini nga namugna sa usa ra ka sabakan. Sumala sa mga eksperto, talagsa ra kaayo kini nga mahitabo sa tawo, apan kasagaran makita sa mga hayop sama sa iring ug iro.
Nagpamatood kini nga ang kinabuhi ug siyensya puno pa gihapon og misteryo nga lisod tuohan apan tinuod.
Photo Courtesy to:Techtimes
