Mokabat sa onse ka indibidwal ang namatay human nahagsa ang usa ka eroplano sa Kenya, sumala sa taho sa mga otoridad. Sa inisyal nga imbestigasyon, giingon nga 10 niini mga taga-Europa ug usa ka lokal nga piloto ang mga biktima sa maong insidente.
Ang eroplano naggikan sa sikat nga beach resort sa Diani ug paingon unta sa Maasai Mara game park sa dihang kini nawad-an og kontrol ug nahagsa sa dapit nga wala pa gihibaloan.
Lakip sa mga sakay mao ang walo ka Hungarian, duha ka German, ug usa ka Kenyan pilot. Padayon karon ang imbestigasyon sa mga otoridad aron masuta ang hinungdan sa pagkahagsa sa eroplano ug aron mahatagan og hustisya ang mga biktima sa maong trahedya.
Photo Courtesy to: CNN
