Sa usa ka talagsaong panghitabo nakahatag kalingawan sa mga tawo dihang usa ka panon sa mga karnero ang misulod sa usa ka greenhouse ug gikaon ang kapin 600 kilos nga marijuana nga gitanom alang sa panukiduki human sa grabe nga pagbaha didto sa Thessaly Greece.
Sumala sa report, nangita og kapuy-an ang mga karnero human sa kusog nga ulan ug pagbaha, apan nasayop sila’g sulod diretso sa greenhouse diin puno sa mga tanom nga dili unta angayang kaunon sa mga hayop.
Ang mga tanom gituyo unta alang sa siyentipikong pagtuon, apan wala pasayloa sa mga karnero nga gipanggutom. Bisan pa sa dakong pagmahay sa tag-iya, wala siyay mahimo tungod kay aksidente man kini nga panghitabo.
Ang istorya karon misikat sa tibuok Greece, nga nahimong joke taliwala sa kalisod sa gisagubang sa mga biktima sa baha.
via: BAD FRIEND
