Mitimbang og pareho nga 104.8 pounds si WBC minimumweight world champion Melvin Jerusalem ug ang challenger nga si Siyakholwa Kuse sa ilang bakbakan karong adlawa Oktubre 29, sa pagsaulog sa ika-50 nga anibersaryo sa makasaysayanong Thrilla sa Manila.
Ang Cebu-based boxer nga si Jerusalem modepensa sa iyang titulo batok sa number 2 contender gikan sa South Africa. Ang 31-anyos nga si Jerusalem adunay rekord nga 24 ka daog, tulo ka pilde, ug 12 ka knockouts. Niadtong Marso, naprotektahan niya ang iyang titulo sa usa ka rematch batok kang Yudai Shigeoka sa Japan.
Samtang ang 22-anyos nga si Kuse adunay siyam ka daog, duha ka pildi, ug usa ka tabla uban ang upat ka knockouts.
Pipila sa mga undercard fights naglakip sa walo ka round nga bakbakan ni Speedy Boy Acope batok kang Ronerick Ballesteros, samtang ang away ni Berland Robles batok ni Arvin Magramo usa ka 10-round nga duwa.
via: BOXING SCENE
