Padayon ang gihimong Fire Truck Visibility Operation sa Ditay Fire Sub-Station Shift A ubos sa pagpangulo ni SFO3 Elma S. Tario, Acting Sub-Station Commander, didto sa Barangay Ditay, lungsod sa Diplahan, Zamboanga Sibugay.
Gilangkuban kini sa mga duty personnel nga naglibot aron masiguro ang kaandam sa lugar ug aron mapalapdan ang kahibalo sa katawhan bahin sa fire safety ug kaluwasan sa komunidad.
Gipasabot sa BFP nga ang maong kalihukan usa sa ilang mga precautionary measure aron mapanalipdan ang publiko batok sa sunog ug aron mas paspas nga makahatag og tabang kung adunay emerhensiya.
Padayon usab ang BFP sa pagpanguna sa mga kalihukan nga nagpalig-on sa relasyon tali sa mga bombero ug mga residente, ingon man sa pagmugna og mas luwas nga komunidad.
