Narekober ang patayng lawas ni Marlon A. Astudillo, usa ka member sa Civilian Active Auxiliary (CAA) human sa gihimong retrieval operation sa 36th Infantry Battalion (36IB).
Sa impormsyon sa 901st Infantry Brigade-Philippine Army, Gitug-an kini sa misurender nga New Peoples Army nga nagatudlo sa lokasyon sa patayng lawas ni Astudillo sa usa ka hilit nga lugar.
Kahibaloan nga nawala si Astudillo sukad pa niadtong Disyembre 17, 2019. Nagbangotan ang asawa sa namatay nga si Ermelyn Astudillo, uban sa iyang duha ka anak nga lalaki ug duha ka anak nga babaye.
Gipahiluna sa 36IB ang haya og gipahigayon ang military honors ug burial assistance isip pasidungog sa sakripisyo ug serbisyo ni Astudillo.
Mahinumduman nga niadtong Oktubre 30, 2022, upat ka mga biktima sa Sitio Gacub, Barangay Hinapuyan, Carmen, ang nakaplagan didto sa Sitio Baraboto, Barangay Curva, Santiago, Agusan del Norte nga gipatay usab sa NPA samtang ang mga biktima nangita og mga Lapnisan Trees sa Barangay Lobo, Cantilan, Surigao del Sur.
Dugang pa, si PSSg Restie Dandan sa Sison Municipal Police Station (MPS) nga gidagit sa NPA niadtong Hulyo 31, 2020 ug gipatay pagkahuman sa 18 ka adlaw, nakaplagan sa Sitio Napo, Barangay Matin-ao, Mainit, Surigao del Norte.
Ang 901st Infantry Brigade magpabilin nga lig-on sa iyang panlantaw nga tapuson ang insurhensiya, ipasiugda ang kalinaw, ug protektahan ang katawhan sa Caraga batok sa mga pagpang-abuso sa nahibiling Communist Terrorist Groups (CTGs).
Photo Courtesy : 901ST PA
