Gimandoan ni PNP chief Lt. Gen. Jose Melencio Nartatez Jr. ang tanang kapulisan nga pakusgan ang ilang mga operasyon batok sa ilegal o dili awtorisado nga mga pasilidad sa mga tiggama ug pabuto kini human adunay nahitabong pagbuto sa usa ka pabrika sa Barangay Partida, Norzagaray, Bulacan niadtong Oktubre 22, nga miresulta sa pagkamatay sa duha ka indibidwal.
Ang insidente nahitabo pasado alas 11 sa buntag ug niresulta sa sunog dayung narespondihan sa mga fire volunteer banda alas 11:50 sa buntag. Hinuon, padayon pa usab giimbestigahan sa mga otoridad ang maong insidente.
Matod ni Nartatez nga ang maong lakang o operasyon gihimo aron masiguro ang higpit nga pagpatuman sa mga regulasyon sa kaluwasan ug pagwagtang sa mga ilegal nga pagbuhat ug pabuto diin nagbutang lamang sa peligro sa kinabuhi sa tawo.
Gani, ang PNP nakigtambayayong na sa Bureau of Fire Protection uban sa ubang mga hingtungdang ahensya sa gobyerno ingon man sa lokal nga panggamhanan sa Bulacan aron masusi ang pagsunod sa pabrika sa mga kinahanglanon sa kaluwasan ug permiso alang sa ilang pasilidad.
Photo courtesy to:Inquirer.net
