Gipahigayon sa San Carlos City Tourism Office ang libreng Pedicab Tour ug Heritage Walking Tour aron ipaila sa mga partisipante ang kasaysayan, kultura ug mga makasaysayanong lugar sa siyudad niadtong Setyembre 25 ug 26, 2026.
Miapil sa Pedicab Tour ang mga estudyante gikan sa Colegio de Sta. Rita de San Carlos, Julio Ledesma National High School ug Tañon College, samtang miduyog sa Heritage Walking Tour ang mga lokal nga media practitioner ug vloggers.
Gisuroy sa mga partisipante ang nagkalain-laing heritage sites, lakip ang City Public Plaza, San Carlos Borromeo Cathedral, Old City Hospital, City Public Library ug Broce Ancestral House.
Gipangulohan ang tour ni Architect I John Romulo Dela Victoria uban ni Nikolou Talavero, nga mipakigbahin sa kasaysayan ug kahinungdanon sa mga lugar sa paghulma sa identidad sa San Carlos City.
Kabahin kini sa closing activities sa Tourism Month celebration ug gitumong nga mas mailhan sa kabatan-onan ug komunidad ang kasaysayan ug kulturang panulondon sa siyudad.
Photo courtesy: San Carlos City, Neg. Occ. -LGU Information Page
