Gipasidunggan ang Municipality of Pantukan isip Municipal-Wide Awardee sa Grade 2: Basic Sanitation Achievement and Recognition Ceremony nga gipahigayon sa Provincial Capitol, Cabidianan, Nabunturan, Davao de Oro September 28, 2026.
Ang pag-ila kabahin sa Philippine Approach to Sustainable Sanitation o PhATSS ug sa Provincial and Municipal Zero Open Defecation o ZOD Program.
Pinaagi niini, giila ang mga paningkamot sa lokal nga pangagamhanan sa Pantukan pinaagi sa kadumalahan ni Mayor Oliver D. Ceniza sa pagpalambo sa basic sanitation ug pagdasig sa mga komunidad nga magpraktis og husto ug luwas nga sanitasyon.
Ang kalihukan gipangunahan ni Provincial Governor Engr Raul Mabanglo kinsa nihatag sab sa pahalipay, gitambungan sa mga kapitanes sa Barangay sa Lungsod og uban pang nanambong.
Ang programa nagtumong usab sa pagpalig-on sa mga lakang batok sa open defecation ug pagpanalipod sa panglawas ug kalimpyo sa mga komunidad.
Gilauman nga ang maong pag-ila mahimong dugang inspirasyon sa Municipality of Pantukan aron ipadayon ang mga programa alang sa mas limpyo, mas luwas ug mas himsog nga kumunidad.
