Nagpahigayon ang lokal nga pangagamhanan sa Leyte, inubanan sa Municipal Social Welfare and Development Office o MSWDO, og pagpangapod-apod sa food assistance pinaagi sa Walang Gutom Program ngadto sa mga kwalipikadong benepisyaryo gikan sa napulo ka barangay sa lungsod. Gipahigayon kini didto sa LGU Covered Court karong adlawa.
Lakip sa mga barangay nga nga nakadawat sa maong tabang mao ang Culasi, Maanda, Basud, Bachao, Tinocdugan, Kawayan, Palarao, Baco, Danus ug Poblacion. Gitumong sa maong kalihokan nga mahatagan og ayudang pagkaon ang mga kwalipikadong benipisyaryo aron masuportahan ang inadlaw-adlaw nga panginahanglan ug matubag ang nutritional needs sa mga pamilyang nanginahanglan og dugang nga suporta.
Nagpasalamat ang lokal nga pangagamhanan sa MSWDO personnel, partner agencies, participating retail partners, ug sa tanang benepisyaryo tungod sa ilang kooperasyon ug suporta. Gipasalig usab sa LGU nga ipadayon ang pakigtambayayong sa mga ahensya ug partner organizations aron mapalig-on ang mga programa sa social protection ug makatabang sa pagtukod og mas lig-on ug food-secure nga komunidad.
Photo Courtesy: LGU Leyte
