Sa gipagawas nga 24-oras nga localized weather forecast sa PAGASA karong Oktubre 24, 2025, adunay low pressure area nga nahimutang sa kasadpang bahin sa Laoag City, Ilocos Norte.
Samtang, padayon nga apektado sa Intertropical Convergence Zone o ITCZ ang Mindanao ug Palawan lakip na ang Davao Region. Ang rehiyon makasinati ug partly cloudy ngadto sa mapanganurun nga kalangitan inubanan sa patak-patak nga pag-ulan, kilat ug pagpanalugdog.
Posible usab ang pagbaha ug pagdahili sa yuta kon adunay kusog nga thunderstorm. Hinay hangtod kasarangan nga hangin gikan sa habagatang kasadpan paingon sa habagatan ang magapasulabi ug ang kadagatan hapsay hangtod kasarangan ang balod.
Sa Davao City, ang temperatura mokabat sa 26 hangtod 32 degrees Celsius, samtang ang sidlak alas 5:28 sa buntag ug ang salop alas 5:23 sa hapon.
SOURCE: PAG-ASA DOST
