Nagparetoke ang usa ka babaye nga ginganlag Gil Lee-won sa South Korea ang nag-viral human niya gibutyag nga nakagasto siya og 300 milyon nga won (katumbas sa ₱12.4 milyon) para sa kapin sa 400 ka cosmetic procedures sulod sa 15 ka tuig.
Gipanghambog niya ang iyang kasinatian sa Korean variety show nga “It’s Okay to Be a Martian.”Nagsugod ang iyang plastic surgery journey niadtong oong 2010. Nahinumdom niya nga biktima siya sa body shaming tungod sa pagtambok samtang nagtuon para sa college entrance exam, ug ang kanunay nga pagsaway sa iyang kanhing uyab.Mao kini ang nagduso kaniya sa pag-usab sa iyang panagway.
Segun sa babaye nga “Wala koy pagmahay sa pag-usab sa akong panagway. Karon, mas dako na ang akong pagsalig sa akong kaugalingon. Bisan pa man og gusto pa niya nga ayohon ang iyang nawong, gipasabot sa doktor nga dili kinahanglan nga sobra ra siya ka niwang ug mas maayo nga ipadayon lang ang iyang hitsura.
Bisan pa niini, moadto gihapon siya sa mga dermatology ug oriental clinic halos kada adlaw aron mapreserbar ang iyang katahom. Ang iyang istorya nagpakita kung unsa ka dako ang impluwensya sa katilingban sa imahe sa kaugalingon ug sa walay katagbawan nga pagpangita sa “perpektong” hitsura.
Source:Philstar News
Photo courtesy to:The Truth International
