Nagpabiling sirado sa publiko ang bantugang Louvre Museum sa Paris human sa usa ka pagpangawat nga nahitabo bag-ohay lamang.
Base sa report walo ka mahalong alahas ang nakuha sa mga kawatan, lakip na ang mga historikal nga hiyas gikan pa sa panahon sa mga Empress sa Pransiya.
Sumala sa imbestigasyon, upat ka suspek ang mihimo sa krimen ug giatol sa pag-abli sa museo alas-9:30 sa buntag sa maong adlaw.
Gigamit sa grupo ang sakyanang adunay mechanical lift aron makasulod sa Galerie d’Apollon, pinaagi sa balcony nga duol sa River Seine.
Duha sa mga suspek ang nakasulod pinaagi sa pagbungkag sa bintana gamit ang power tools, milungtad ang pagpangawat sa upat ka minuto ug misibat ang mga suspek gamit ang duha ka scooters.
Lakip sa mga gikawat mao ang Emerald necklace ug pares sa aryos nga gipanag-iyahan kaniadto ni Empress Marie Louise, Reliquary brooch nga rare ug nag-inusarang klasi sa alahas, Tiara ug brooch ni Empress Eugenie nga asawa ni Napoleon III.
Lain pang Tiara, kulintas, ug single earring gikan sa sapphire set nga gipanag-iyahan ni Queen Marie-Amelie ug Queen Hortense
Padayon karon ang imbestigasyon sa mga otoridad aron mahibal-an ang mga responsable ug mauli ang mga nawagtang nga makasaysayang bahandi.
Photo courtesy to:The art life gallery
