Giklaro sa Department of Health (DOH), nga wala pa nila gimando ang paggamit pag-usab sa face mask sa Metro Manila. Kini human ang Quezon Province nipagawas og Executive Order nga nagmando sa pagsul-ob og face mask sa mga pampublikong lugar.
Sa usa ka pamahayag, giingon ni DOH Spokesperson Assistant Secretary Albert del Rosario, nga ang matag Local Government Unit (LGU), adunay katungod sa pagpatuman sa ilang kaugalingong mga lagda alang sa panglawas sa publiko, base sa Republic Act 11332.
Dugang pa niya nga subay sa ilang datos, wala’y bag-ong virus nga mikaylap sa nasud. Ang kasagarang hinungdan sa Influenza-like Illnesses o ILI mao ang Influenza A, Rhinovirus, ug Enterovirus. Ang COVID-19 anaa ra sa ika-10 sa mga hinungdan niini, ug nag-asoy sa 1% lamang sa mga kaso.
Gipahinumdoman sa DOH ang publiko, nga limpyohan ang mga kamot, pagsul-ob og mask kung adunay sakit, pagpabakuna, pagpahulay ug pagkaon sa mga sustansyadong pagkaon.
Photo courtesy to:DOH
