Naglunsad og Procurement Service ang Department of Budget and Management (DBM) alang sa mas modernong data portal nga nagtumong sa pagduso sa transparency sa procurement project sa gobyerno.
Matod ni Budget Secretary Amenah Pangandaman ang modernized Philippine Government Electronic Procurement System (mPhilGEPS) open data portal himuon nga mas accessible sa publiko.
Dugang pa, ang modernong portal usa ka user-friendly dashboard ug visualization tool nga nagpakita sa data sa mga platform sa pagkuha sama sa e-market place ug e-bidding facility.
Gisaysay ni Pangandaman, ang transparency sa pampublikong mga impormasyon naghatag dalan sa tanan aron makita sa publiko kon giunsa paggasto ang mga pondo sa gobyerno.
Kini usa matod pa ka pamaagi sa patas nga kompetisyon ug aron dali nga masuta ang iregularidad sa pagpatuman sa mga proyekto sa gobyerno.
Samtang gidasig ni Pangandaman ang publiko nga tabangan ang gobyerno nga ipatuman ang integridad sa procurement process ilawom sa Bagong Pilipinas.
Photo courtesy to:Rappler
