NAIL FOR SALE! Mao kini ang trending karon sa nasod China, human adunay mga tawo nga nagabaligya sa ilang mga piraso sa kuko isip sangkap sa tradisyonal nga tambal. Sumala sa mga taho, kini gigamit aron tambalan ang tonsillitis ug kasakit sa tiyan sa mga bata.
Gipalit kini sa mga kompanya gikan sa mga komunidad, unya limpyohon, paugahon, ug himoon nga pulbos aron isagol sa ilang mga produkto. Tungod kay limitado ra ang makolekta matag tuig, nagpabiling mahal ang presyo niini.
Sumala sa report sa usa ka local media sa nasod, usa ka babaye nga taga-Hebei ang nagabaligya sa iyang mga nakolektang kuko online sa kantidad nga 150 yuan kon kapin Php1,200 matag kilo kung itandi Philippine currency. Bisan pa nga misaka ang paggamitan og nail polish sa dekada ’60 nga hinungdan sa paghinay sa paggamit niini, karon, hinay-hinay na usab kini nga nabalik sa uso sa paghimo og tradisyonal nga tambal.
Photo courtesy to: South China Morning Post
