Gikalipay sa LGU Digos nga gipangulohan ni Mayor Josef Fortich Cagas, kinsa mainiton nga gidawat ang mga representante gikan sa Spectee Inc. sa Japan, uban ang mga opisyal sa Japan International Cooperation Agency (JICA) ug Department of Trade and Industry (DTI) Philippines / DTI XI, atol sa ilang courtesy call ug pagpulong kabahin sa makabag-ong teknolohiya aron mapaligon pa ang kahandaan sa kalamidad sa siyudad.
Pinaagi sa JICA-supported initiative, si Takahiro Sasaki, Co-CEO sa Reaple Inc., maoy nagpasabot sa katuyoan sa maong proyekto. Si Masao Komazaki, Sales Manager sa Spectee Inc., mipresentar sa Spectee Pro platform, usa ka AI-powered ug cloud-based system nga makatabang sa mga komunidad aron mapalig-on ang kaandam sa pagtubag sa mga kalamidad pinaagi sa real-time disaster monitoring ug risk management.
Ang Spectee Pro naggamit ug artificial intelligence aron masusi ang impormasyon sa kalamidad sa aktuwal nga oras, magpakita sa kahimtang ug posible nga kadaot, ug mosuporta sa paspas nga aksyon sa mga otoridad.
Gipadayag sa Mayor ang iyang dakong interes sa paggamit niini nga teknolohiya aron mas mapauswag pa ang disaster preparedness ug response capabilities sa Digos City. Mibisita usab kini sa City Disaster Risk Reduction and Management Office (CDRRMO) ug CCTV Traffic Command Center, diin ilang gisusi ang operasyon sa mga surveillance cameras sa Dawis Heritage Wharf.
Dugang niini , Ang Digos City usa ka Gawad Kalasag Beyond Compliant Awardee, ug kini nga inisyatibo magpalig-on pa sa paningkamot sa kaluwasan ug kalig-on sa komunidad.
SOURCE: CITY GOVERNMENT OF DIGOS
