Gi-turnover sa Department of Justice ngadto sa Office of the Ombudsman, ang mga kaso batok sa mga nalambigit sa anomaliya sa flood control projects.
Gipanguluhan kini nila Department of Justice Officer-in charge Undersecretary Fredderick Vida, ug Prosecutor General Richard Anthony Fadullon, maoy personal nga nagsumite niini ngadto kang Ombudsman Jesus Crispin ‘Boying’ Remulla.
Matod ni Prosecutor General Richard Anthony Fadullon, ang mga gipasa nga mga kaso kabahin sa mga partikular nga distrito sa Bulacan.
Sumala pa niya nga lima ka mga kaso ang ilang gipasa ngadto sa Office of the Ombudsman, nga naglambigit sa pipila ka mga opisyal ug mga kontraktor.
Lakip sa giturn-over nga mga kaso mao ang malversation ubos sa Article 217 sa Revised Penal Code, falsification sa public officers ubos sa Article 171, perjury ug ang paglapas sa Section 3 sa Republic Act 3019 kon Anti-Graft and Corrupt Practices Act.
Subay niini, matod niya nga ang Department of Justice maghuwat sa kamanduan o instruksiyon sa Office of the Ombudsman kung madayon ang mga kaso aron ipaubos sa preliminary investigation. Dugang pa ni Remulla, kining mga kasoha gikonsiderar nga low hanging cases o open shot cases.
Photo courtesy to:Philippines News Agency
