Nagpagula og pasidaan ang Securities and Exchange Commission o SEC batok sa mga indibidwal ug grupo nga nagpaluyo sa mga investment scam nga nagtarget sa mga mamumuhunan.
Gipasabot sa SEC nga adunay mga tawo nga nagpakaaron-ingnon nga representante sa COL Financial Group Inc. ug gigamit ang peke nga dokumento aron makakuha og kwarta gikan sa mga biktima. Giingon usab sa ahensiya nga wala’y kalabot ang COL Financial sa maong kalihokan.
Usa pa ka advisory ang gipagula batok sa De Guzman Consumer Goods Trading, nga nagtanyag og 60% hangtod 200% nga ginansya sulod lang sa 30 hangtod 60 ka adlaw, apan wala kini rehistrado sa SEC.
Giwarningan usab ang publiko batok sa mga online scam nga nagtanyag og dako nga kita sa bitcoin mining. Ang mga malapas sa balaod mamahimong silotan og ₱5 milyon nga multa ug hangtod 21 ka tuig nga pagkabilanggo.
Photo courtesy to: Inquirer.net
