Gipahigayon sa National Irrigation Administration kon NIA Zamboanga Sibugay Irrigation Management Office (NIA-ZSIMO), ubos sa pangulo ni Acting Division Manager Engr. Maria Gertrudes P. Gania, ang Turn-out service area group (TSAG) Meeting uban sa Poblacion Kabasalan Irrigators’ Association (PKIA), inc. sa Barangay Poblacion, Kabasalan niadtong nakalabay nga adlaw.
Gituki sa maong kalihokan ang pagpalig-on sa koordinasyon tali sa NIA ug mga mag-uuma, aron hisgutan ang umaabot nga mga proyekto sa irigasyon sa maong lugar.
Gipasiugdahan ni Community Relations Assistant–a, Joseph Sultan ang maong panagtigum kauban sa mga opisyal ug miyembro sa IA nga gipangulohan ni President Alvin e. Gazpar.
Sa pagpanguna sa mga inhenyero sa NIA, gipresentar ang mga nag-unang proyekto para sa tuig 2026, lakip na ang pag-ayo ug pagtukod sa mga kanal aron mapaayo pa ang serbisyo sa irigasyon.
Gipasabot ni Engr. gania ang mga update sa nagpadayong mga proyekto ug mipasidunggan ang aktibong partisipasyon sa IA diin iyang gipasalig ang padayon nga suporta sa NIA aron matabangan ang mga mag-uuma nga mapalambo ang ilang ani ug produksiyon pinaagi sa mas epektibong irigasyon.
Ang NIA-ZSIMO nagpadayon sa pagpanguna sa mga inisyatibo nga nagpalig-on sa kooperasyon tali sa gobyerno ug komunidad aron masiguro ang maluntaron nga pag-uswag sa sektor sa agrikultura sa Zamboanga sibugay.
Photo courtesy to:NIA 9
