Gibutyag ni Conchita Areola ang head sa Persons with Disability Affairs Office (PDAO) Iligan, nga sa matag opisina sa gobyerno sa dakbayan gihingusgan nga adunay mahimong empleyado nga PWD base sa balaod nga nagmandato og 1% employment quota alang kanila.
Tungod sa digitalization sa trabahoan mas daghan na karon og oportunidad ang mga PWDs, ilabi na kadtong computer-literate.
Busa gidasig ni Areola ang mga estudyante nga PWD nga ipadayon ang ilang pag-tungha kay kini ang yawe sa mas daghang trabaho sa umaabot.
Samtang pikas nga bahin, gipahibalo usab ni Areola nga padayon usab ang ilang gihimong lakang nga mahatagan sa artificial nga mga kamot ug tiil ang mga PWD nga nanginahanglan niini.
Sa pagkakaron, anaa na sa 14 ka mga benefeciaries nga PWDs ang natabangan depende sa ilang panginahanglan.
