Gipahibalo sa Economic Enterprise Development and Management Office (EEDMO)-Iligan nga sila ang manguna sa ipahigayon nga “Pamahaw sa Suba” sa umaabot Oktobre 25, 2025 sa River Esplanade nga nasakop sa duha ka barangay sa Hinaplanon ug Santiago, Iligan City.
Sumala ni Agnes M. Clerigo-Maingat, EEDMO Head nga ang maong kalihukan una na untang giandam isip entry aron mabutang sa Guinness Book Records alang sa “Longest Boodle Fight”, apan wala mahinayon tungod sa kamahal sa application fee.
Matod pa nga ang maong ‘’Pamahaw sa Suba Year 3’’ magpadayon uban ang partisipasyon sa nagkadaiyang ahensya sa lokal nga gobyerno.
Sa maong aktibidad magtapok-tapok ang mga partisipante ug dungan nga mamahaw daplin sa suba nga usa ka paagi aron ipakita ang kooperasyon, panaghiusa, ug kalipay sa mga Iliganon.
Tumong sa kalihukan mao ang pagpasiugda sa panag-uban ug bayanihan, pagpakita sa suporta sa lokal nga kultura ug tradisyon, paglig-on sa relasyon sa mga departamento ug komunidad,
Gidugang pa nga ang maong kalihukan padayon nga nagpadako sa espiritu sa serbisyo ug malasakit sa katawhang Iliganon.
