Nagmando si US President Donald Trump sa White House nga mangita og paagi aron masiguro nga mabayran gihapon ang mga federal law enforcement officers bisan pa sa duha ka semana nga government shutdown sa Estados Unidos.
Subay sa mando sa Presidente, ang pondo nga una nang gitagana para sa Pentagon maoy gamiton aron mabayaran ang mga miyembro sa US military ug uban pang mga essential federal workers.
Gikompirma usab sa US Office of Management and Budget (OMB) nga nangita sila og alternatibong paagi aron mapadayon ang suweldo sa mga federal employees nga naapektuhan sa kasamtangang shutdown.
Lakip sa mga essential workers nga padayon nga magtrabaho ug bayaran mao ang mga miyembro sa FBI, Drug Enforcement Agency (DEA), US Border Patrol, ug Immigration and Customs Enforcement (ICE).
Dugang pa, gitan-aw na usab sa administrasyon ni Trump ang posibilidad sa pagpahigayon og alternatibong mekanismo aron mabayran ang mga pangunahing social programs, lakip na ang food assistance program para sa mga kababayen-an ug kabataan.
Kahinumduman nga napugos ang US government nga mag-shutdown tungod sa kapakyasan sa mga Republican ug Democrat lawmakers nga magkasabot sa pag-aproba sa spending bill nga may kalabutan sa mga programa sa panglawas ug serbisyo publiko.
Photo credit: The New York Times
