Gisaway sa mga senador ang Department of Trade and Industry (DTI) madiskubrehan nga wala pa usab gi-revoke sa Philippine Contractors Accreditation Board (PCAB) ang lisensya sa Wawao Builders ug Syms Construction Trading, mga kumpanyang nalambigit sa flood control anomalies.
Sa pagdungog sa 2026 national budget sa DTI sa Senate Subcommittee on Finance, gibutyag ni Senator Imee Marcos, chairperson sa kumite, nga aktibo pa usab ang PCAB license sa Wawao Builders taliwala sa ilang lifetime bangikan sa Department of Public Works and Highways (DPWH).
Sigon kang PCAB Executive Director Sergie Retome, wala pa sila makalihok tungod wala pay bag-ong miyembro ang PCAB board human me-resign ang tulo ka mga kanhi miyembro.
Isumite nila ang rekomendasyon sa license revocation kung natudlo na ang bag-ong board. Gisaway usab ni Marcos ang Construction Industry Authority of the Philippines (CIAP), nga adunay supervisory function sa PCAB. Gibutyag nga wala niini buhata ang katungdanan isip regulatory body.
Samtang gisugyot usab ni Senator Sherwin Gatchalian, Chair sa Senate Committee on Finance, nga angayang i-ban na usab ang mga shareholders sa mga kumpanya aron dili na sila makabalik sa mga government projects gamit ang bag-ong kompanya.
Gitumbok ni Gatchalian ang kaso sa pamilyang Discaya, nga matud pa nag-ilis lang ug pangalan sa kumpanya apan magpamilya pa usab ang tag-iya. Tubag ni Retome, kalakip pa usab kini sa mga rekomendasyong gihikay nila sa bag-ong PCAB board.
Photo courtesy to BAIVI Group
