Walay plano ang Department of Health (DOH) nga ibalik ang mandato sa pagsul-ob og facemask taliwala sa pagdaghan sa kaso sa influenza and influenza-like illnesses (ILI).
Bisan pa, giawhag sa ahensya ang mga ginikanan o ilang mga anak ug magtutudlo nga magsul-ob og face mask kung adunay mga sintomas sa ubo o sip-on aron malikayan ang impeksyon.
Gipasabot ni Health spokesperson Asisstant Secretary Albert Domingo nga ang gamay nga pagtaas sa trangkaso normal sa panahon sa ting-ulan, gikan sa Hunyo hangtod Nobyembre.
Giklaro sa Department of Health (DOH) nga walay bag-ong virus nga mikatap sa nasud taliwala sa pagsaka sa kaso sa maong sakit.
Matod ni Domingo, mas ubos gihapon ang ihap sa mga kaso karong tuiga kon itandi niadtong 2024. Base sa datos gikan sa Enero hangtod Septiyembre 27, adunay 121,716 ka kaso sa ILI karong tuiga, 8% nga mas ubos kon itandi sa 132,538 ka kaso niadtong 2024.
Gibutyag usab sa opisyal sa DOH nga ang pagsuspenso sa face-to-face classes sa Metro Manila sugod kagahapon, Oktubre 13 hangtod karong Martes, Oktubre 14, kabahin lamang sa pag-amping sa DepEd ug dungan usab sa mga kalihokan sa pagpangandam sa linog.
Photo courtesy to:PNA
