Nasakmit sa mga otoridad ang kapin P100K nga kantidad sa smmugled nga sigarilyo sa Public Market, Barangay Poblacion 3, Pigcawayan, North Cotabato, niadtong Oktubre 12, 2025. Giila ang suspek nga si alyas Jurie, 49-anyos ug residente sa Brgy. Poblacion 2 sa nahisgutang munisipyo.
Nakumpiska sa operasyon ang 40 ka reams ug usa ka pack sa New Berlin, 27 ka reams ug usa ka pack sa Fort White, 20 ka reams ug usa ka pack sa Fort Black, 25 ka reams ug usa ka pack sa Modern Red, 17 ka reams sa Modern White, 9 ka reams ug pito ka pack sa Buffon ug upat ka reams ug duha ka pack sa Tradition nga sigarilyo.
Sumala pa sa otoridad, anaa sa P109,304.78 ang kinatibuk-ang kantidad sa nakumpiskang smuggled nga sigarilyo.
Sa karon, anaa na ang suspek sa kustodiya sa Pigcawayan Municipal Police Station, lakip na ang mga nakuhang kontrabando alang sa dokumentasyon ug tukmang disposisyon.
Photo courtesy to:Regional Public Information Office- PRO 12
