Personal nga gitunol ni Social Security System (SSS) Valencia City branch Head, Alan Sayon ang Notice of Violation ngadto sa walo ka mga establishemento sa tibuok probinsyas Bukidnon atol sa gilusad nga Run After Contribution Evaders (RACE) Campaign kagahapon Oktobre 13, 2025
Gikaingong ang wala nganli nga establishamento nakalapas sa pagkaltas sa sweldo sa mga trabahante aron ibayad sa SSS contribution apan nasuta nga wala kini naremit.
Gihatagan og 15 ka adlaw ang maong mga establishamento aron sa pag-asikaso sa ilang mga obligasyon ilabina sa pagrehistro sa ilang mga empleyado ug sa pagbayad sa ilang mga kontribusyon.
Naglangkub sa food business, furniture shop, services, educational supplies store, ug uban pa ang maong gipang-isyuhan sa notice lima gikan Valencia City ug tulo syudad sa Malaybalay.
Si Atty. Kathleen Gonzales-Japus, Acting Head sa Mindanao North Legal Department sa SSS mipadayag nga gihatagan og igong panahon ang mga establishamento sa pag-asikaso sa ilang mga obligasyon kabahin sa kontribusyon sa ilang mga empleyado ngadto sa buhatan aron malikayan ang dugang pagpahamtang sa silot
via: SSS – Valencia City/PIABukidnon
