Mas gipaduol sa Local Government Unit sa Malungon ang importanteng serbisyo publiko ngadto sa katawhan , pinaagi sa ilang flagship outreach program nga LINGAP (Local Ingenuity in Alleviating Poverty) sa Barangay, ngadto sa mga residente sa Barangay Upper Mainit, Malungon, Sarangani Province.
Pinaagi niining padayon nga inisyatiba, ang LGU naghatod ug 24 ka libreng serbisyo sa gobyerno ngadto sa mga grassroots 22 ka serbisyo gikan sa LGU Malungon, usa gikan sa Provincial Government sa Sarangani, ug usa gikan sa Public Attorney’s Office (PAO).
Lakip sa mga mahinungdanong highlight sa maong aktibidad mao ang Kasalan ng Bayan, diin upat ka magtiayon ang opisyal nga gihiusa sa kaminyoon sa Mayor sa maong lungsod.
Gipakita usab sa maong kalihokan ang usa ka symposium sa HUT-ONG (Health Utilization Through Organized Neighboring Group), usa ka programa nga gipangunahan sa LGU nga nagpasiugda sa pagpalambo sa maayong panglawas ug nutrisyon nga mga pamaagi sulod sa mga komunidad.
Photo courtesy to: Malungon Information Office
