Midonar ang beauty queen ug businesswoman nga si Celeste Cortesi og kinatibuk-ang P10 milyones ngadto sa mga biktima sa mga linog sa Sugbo ug Davao Oriental.
Matod sa mga taho, si Celeste ug iyang kauban nga si Jonathan Sterling unang nanghatag og P5 milyones ngadto sa mga biktima sa magnitude 6.9 nga linog sa Sugbo niadtong Septiyembre 30 pinaagi sa ilang Asul Hope Foundation, sa pakigtambayayong sa Angat Buhay Foundation.
Nunot niini, nihatag na usab sila og P5 milyones ngadto sa mga biktima sa sunodsunod nga linog sa Davao Oriental niadtong Oktubre 10, sa pakigtambayayong sa ahensya sa Philippine Red Cross (PRC).
Ang buhatan sa PRC nagpasalamat kang Celeste ug Sterling sa ilang kontribusyon sa rescue ug relief operations sa Davao.
Photo courtesy to:Celeste Cortesi
