Gikumpirma sa Indonesian Gymnastics Federation nga dili tugotan nga makasulod sa nasud ang mga atleta gikan sa Israel alang sa World Artistic Gymnastics Championships nga ipahigayon sa Jakarta gikan Oktubre 19–25.
Matod ni Ita Yuliati, ang federation chair, gisuportahan sa International Gymnastics Federation (FIG) ang desisyon sa gobyerno sa Indonesia nga dili hatagan og visa ang mga Israeli athletes, isip kabahin sa suporta sa nasod alang sa kagawasan sa Palestine. Nibalibad pa ang FIG sa pagpagawas og opisyal nga pamahayag kalabot sa isyu.
Gipahayag usab ni Raja Sapta Oktohari, presidente sa National Olympic Committee sa Indonesia, nga andam ang nasod sa bisan unsang mahimong epekto sa ilang desisyon, bisan pa man kung nagplano sila nga mo-bid alang sa 2036 Olympics.
Dili kini ang unang higayon nga gikansela sa Indonesia ang usa ka international sporting event tungod sa pagsupak sa partisipasyon sa Israel. Niadtong 2023, nawad-an usab sila sa katungod nga mo-host sa FIFA U-20 World Cup ug ni-atras usab sa ANOC World Beach Games.
Photo courtesy: Jakarta Gymnastics 2025
