Mahimong mohatag pa og unom (6) ka petroleum service contracts (PSCs) ang gobyerno alang sa oil exploration sa nagkalain-laing bahin sa nasud, matod sa Department of Energy (DOE) niadtong biyernes.
Kini human si Presidente Ferdinand Marcos Jr. mihatag niadtong miaging Miyerkules og walo (8) ka bag-ong PSCs — nga naglakip sa Cagayan, Cebu, Central Luzon, East ug Northwest Palawan, ug Sulu alang sa domestic energy exploration ug production ngadto sa nagkalain-laing international ug local consortiums.
Ang mga PSC miagi og transparent ug competitive selection process ubos sa Philippine Conventional Energy Contracting Program, matod sa DOE.
Niadtong 2023, gi-declassify sa administrasyon ang datos ug gitugotan ang open access sa mga interested parties sa oil exploration, nga naghatag og dalan sa mga aplikasyon alang sa service contract.
Sa kinatibuk-an, ang walo ka bag-ong PSC nagrepresentar og potensyal nga investment commitment nga $207 milyon sulod sa pito ka tuig nga exploration period, matod sa DOE.
Ang walo ka PSC gihatag sa mga consortium nga gilangkoban sa Australian firm nga Triangle Energy (Global) Ltd., United Kingdom-registered Sunda Energy Plc, United States-based Koloma Inc., Israeli company Ratio Petroleum Ltd., ug mga Filipino firms nga Philodrill, PXP Energy, Anglo Philippine Holdings, ug Forum Energy Philippines.
Photo courtesy: Presidential Communications Office
