Emosyonal nga gipaambit sa “Queen of All Media” nga si Kris Aquino pinaagi sa social media, ang kahimtang sa iyang panglawas.
Gikan mismo sa ospital, gipakita ni Kris ang port-a-cath nga gi-implant sa iyang dughan, nga gigamit para sa regular niyang medisina ug treatment. Nibutyag usab siya nga human sa iyang Rituximab infusion, nasayran nga adunay “alarming” nga resulta sa iyang dugo hinungdan nga nagpadayon ang iyang medical tests ug tambal.
Sumala pa sa aktres nga aduna siyay pito ka autoimmune diseases, ug posible pa nga madugangan kini. Naka-experience siya og lupus flare nga may kauban nga hilanat, pasa, rashes, ug grabe nga kakapoy.
Niubos ang timbang niini ngadto sa 37 kilos ug giingong dili pa siya andam mobalik sa trabaho. Bisan pa sa kalisod, padayon ang iyang pakigbisog. Sa iyang mensahe, giingon niya: “Isa ni ka test of bravery, pero padayon lang ta. Dili ko muondang para sa akong mga anak.”
Nagpasalamat siya sa tanang supporters, doctors, ug sa mga tawo nga walay undang sa pag-ampo para niya.
Photo courtesy: Kris Aquino Instagram
