Upat ka mga tawo ang namatay samtang kapin sa 20 ang naangol, lakip ang upat nga kritikal sa usa ka makalilisang nga pagpamusil nga nahitabo niadtong nakalabay nga adlaw sa Beaufort County, estado sa South Carolina, USA.
Sumala sa taho sa Beaufort County Sheriff’s Office, ang mga deputy gipatawag sa lugar human sa daghang taho sa pagpamusil sa Willie’s Bar and Grill. Gisaysay sa mga awtoridad nga gatusan ka mga tawo ang anaa sa lugar sa dihang nagsugod ang pagpamusil.
Daghang mga biktima ug mga saksi ang midagan paingon sa kasikbit nga mga dapit ug kabalayan aron makapangita og kapasilongan gikan sa nagpadayon nga pagpamusil.
Ang mga upat ka biktima gikompirma nga namatay diha-diha sa lugar sa insidente, samtang ang mga naangol gihatod usab sa mga ospital, ug upat kanila anaa sa kritikal nga kahimtang.
Samtang ang Sheriff’s Office nagdugang na ug law enforcement presence sa St. Helena Island aron masiguro ang seguridad ug masuta ang hinungdan sa insidente.
Gihangyo sa mga otoridad ang publiko nga adunay kasayuran sa insidente nga moduol o motawag dayon sa ilang buhatan aron matabangan ang nagpadayon nga imbestigasyon.
Photo courtesy to: Daily Herald
