Gipaubos na kagahapong adlawa October 13, 2025 sa state of calamity ang Probinsya sa Davao Oriental atol sa 1st Special Session sa Sangguniang Panlungsod Sambuokan Hall, City of Mati.
Human sa sunodsunod nga assessment ug deliberation sa sitwasyon uban sa Provincial Disaster Risk Reduction and Management Council, ang deklarasyon gihimo isip tubag sa kaylap nga kadaot nga gipahinabo sa linog nga nakaapekto pag-ayo sa imprastraktura sa probinsiya.
Kini nga deklarasyon magtugot sa pagpatuman sa dinalian nga mga paningkamot sa rehabilitasyon alang sa hinanali nga hinabang ug dugay nga pagbawi sa probinsya nga gigiyahan sa Republic Act No. 10121 o ang Philippine Disaster Risk Reduction and Management Act of 2010.
Ubos sa pagpangulo ni Bise Gobernador Glenda Rabat-Gayta, kining maong legislative measure nag-asoy sa pasalig sa Sangguniang Panlalawigan sa pag-amping sa kaayohan sa iyang katawhan ug sa ilang katungod sa hinanaling proteksyon ug malungtarong pagkaayo sa panahon sa dakong kalamidad.
