Gipahimangnoan sa Department of Health (DOH) ang publiko nga mag-andam ug emergency go bags kung adunay evacuation tungod sa posibilidad nga adunay tsunami nunot sa kusog nga 7.4 magnitude nga linog nga miigo sa Davao Oriental Oktubre 10, 2025.
Matod sa ahensya, lakip sa kinahanglan nga andamon sa Go Bag alang sa dali nga pagbakwit mao ang pagkaon lakip na ang tubig, snacks, utensils ug canned goods.
Importante usab ang pagbutang og First aid kit sa Go bag, sama sa alcohol, band aid, povidone-iodine, wound ointment, paracetamol, mefenamic acid ug maintenance medicine.
Usab ang mga gamit sa banyo lakip na ang dugang nga maskara, toothbrush, sanitary pad, hand sanitizer, insect repellent, toothpaste, tissue, shampoo ug sabon.
Ang ubang butang nga angay iapil sa emergency go bag mao ang can opener, blanket o robe, power bank, extension card, pocket knife, battery operated radio, light jacket, flashlight, charger, tsinelas ug raincoat.
Gitambagan usab ang publiko nga kung adunay emerhensya, tawagan dayon ang hotline 911 o ang DOH hotline 1555 ug i-press ang numero 3.
Photo Courtesy to:Sonoma County Emergency
