Nanawagan si Senador Sherwin Gatchalian og dinaliang tubag ug hingpit nga safety audit sa mga apektadong lugar human sa 7.6-magnitude nga linog nga mitay-og sa Davao Oriental ug mga silingang probinsya karong adlawa.
Gipalihok sa senador ang National Disaster Risk Reduction and Management Council (NDRRMC), local disaster councils, ug first responders, aron masiguro ang hinanaling pagpahigayon sa search, rescue, ug relief operations.
Gipalihok usab dayon niya ang mga hingtungdan nga ahensya sa paghimo sa mga inspeksyon sa kaluwasan sa mga ospital, eskwelahan, ug mga lugar nga adunay daghang populasyon.
Gihatagan usab niya og gibug-aton ang panginahanglan sa pagpanalipod sa mga bata, nga giingon niya nga usa sa labing apektado sa panahon sa katalagman.
Gikutlo ni Gatchalian ang mga taho nga pipila ka mga estudyante ang nalipong sa panahon sa pagtay-og, nag-ingon nga hinungdanon ang paghatag suporta sa psychosocial sa mga eskuylahan aron matabangan sila nga mabuntog ang kahadlok ug trauma.
Nanawagan usab si Gatchalian sa publiko nga magpabiling alerto ug maghiusa sa pagsiguro sa kaluwasan sa usag usa samtang ang mga awtoridad nagpadayon sa pagtubag sa kadaot nga gipahinabo sa kusog nga linog.
Photo Courtesy to:Onenews.ph
