Andam motabang ang Department of Tourism (DOT) sa mga apektadong stakeholders sa turismo samtang gisusi niini ang gidak-on sa kadaot sa sektor human sa magnitude 7.4 nga linog nga miigo sa Davao Oriental.
Gimandoan dayon ni Secretary Christina Frasco sa mga Rehiyonal nga Opisina sa pag-ila sa bisan unsang apektadong destinasyon sa mga turista ug, labaw sa tanan, pag-assess kung adunay mga trabahante sa turismo nga nanginahanglan og tabang aron dali kining matubag.
Ang kusog nga linog, nga natala alas 9:43 sa buntag, nag-aghat sa Philippine Institute of Volcanology and Seismology (Phivolcs) sa pag-isyu og tsunami warning alang sa mga coastal areas, nga nagpahimangno sa mga residente sa Eastern Samar, Dinagat Islands, Davao Oriental, Southern Leyte, Surigao del Norte, Leyte, ug Surigao del Sur nga mobakwit sa mas taas nga mga dapit alang sa kaluwasan ang gikanselar na sa Phivolcs ang tsunami warning ala 1:43 sa hapon adlaw nga biyernes.
Source: Philippine News Agency
