Hugtanong ipatuman sa Lokal nga Pangagamhanan sa Manolo Fortich ang speed limit sa tanang kadalanan sa lungsod sugod karong Oktubre 13, adlawng Lunes, sumala sa Manolo Fortich Roads and Traffic Administration (MFRTA).
Sa eksklusibong pakighinabesa Junader Radyo Malaybalay, gipadayag ni Diosdado Insencio, OIC sa MFRTA, nga nahuman na ang pagplastar sa mga signages ug gihatagan nila ug motorist familiarization ang katawhan ug sugod na sunod semana ang pormal nga implementasyon sa balaod ug pagpangdakop sa mga makalapas niini kung masapon pinaagi sa speed gun
Nasayrang mag-atobang sa multa ang makalapas ₱1,500 sa 1st Offense, 2nd Offense ₱2,000, 3rd Offense, ₱2,500, pinasikad sa Municipal Ordinance No. 2012-847 o Municipal Traffic Code tungod sa mga aksidente nga natala sa lungsod nonot sa over speeding
Kini nga inisyatibo kabahin sa 10-Point Agenda ni Municipal Mayor Rogelio N. Quiño, ilabina sa ika-limang prioridad nga “Kahapsay ug Kalinaw.”
Gipaabot sa lokal nga pangagamhanan ang kooperasyon sa tanan nga mga driver ug motorista aron mapadayon ang kaluwasan sa kadalanan ug kalinaw sa lungsod
via: LGU Manolo Fortich
