Kumpiyansa ang Malakanyang nga magpabilin ang Pilipinas nga usa ka lig-ong destinasyon sa pagpamuhunan (strong investment destination) tungod sa padayong pagsalig sa mga langyawng mamumuhunan (foreign investors) sa paningkamot sa gobyerno nga makigbatok sa korapsyon ug barogan ang interes sa publiko.
Atol sa press briefing sa Malacañang, gipunting ni Presidential Communications Office (PCO) Undersecretary ug Palace Press Officer Claire Castro ang nagpadayong mga paningkamot sa administrasyon batok sa korapsyon isip pangunang rason sa padayong pagsalig gikan sa international business community.
Gipasiugda ni Castro nga daghang langyawng mamumuhunan ang mas mipili nga makigtrabaho sa gobyerno nga adunay klaro nga commitment sa maayong pagdumala (good governance).
Matud niya, ang lig-ong posisyon sa gobyerno batok sa korapsyon naghatag og kusganong mensahe sa kalig-on ug pagka-responsable sa mga potensyal nga mamumuhunan, nga labi pang nagpalig-on sa long-term attractiveness sa nasud alang sa langyawng kapital ug partnerships.
Photo courtesy: Tourismo Filipino
Source:RTVM
