Gilusad bag-ohay lang sa usa ka AI talent studio ang usa ka AI-generated nga actress nga ginganlan og Tilly Norwood, nga karon nagdala og kontrobersiya sa Hollywood.
Gipadayag ni Emily Van der Velden, ang founder sa AI talent studio nga Xicoia, nga adunay dako nga potensyal si Norwood nga mahimong superstar pareha kasikat nila Scarlett Johansson o Natalie Portman.
Ang Xicoia espesyalista sa AI acting talent. Gigamit nila ang social media aron ipakita ang acting versatility ni Tilly sa lain-laing mga sitwasyon, ug giingon nga gitun-an na sa ubang film studios ang posibilidad nga gamiton kini nga AI talent.
Bisan pa, gikusgan nga gisupak sa SAG-AFTRA, ang actors’ guild, ang paggamit og mga AI-generated actors.
Sumala sa ilang pahayag, si Tilly Norwood dili usa ka tinuod nga actor, apan usa lamang ka character nga gihimo sa usa ka computer program. Nagpahimangno ang guild nga kini moubos ang kalidad sa human artistry.
Apan mitubag si Van der Velden nga ang AI usa lang ka bag-ong himan nga nag-abli og daghang posibilidad, ug iyang gipasiugda nga “ang mga audience nagtan-aw sa istorya ug talento, dili kung ang artista ba adunay pulso o wala.”
Kini nga kalamboan nagpakita sa pagdool sa panahon sa synthetic actors, human sa pagsugod sa mga AI-powered news anchors ug digital models.
Photo courtesy to: Joshua Stoner
