Giklaro ni FSINSP EDUARDO P. QUINTO JR, Acting City Fire Marshal of Surigao City Central Fire Station nga ang girespondihan nga tawag sa report sa Barangay Taft, Surigao City usa ka “Haling”.
Gipatin-aw ni FSINSP QUINTO nga nakadawat ang Bureau of Fire Protection-Surigao City sa tawag gikan sa report nga dunay nahitabong sunog sa Espina Street, Barangay Taft, ning dakbayan.
Duha ka Firetruck ang gipaadtoan sa lugar aron susihon ang report apan sumala pa nga “NEGATIVE” ug walay dakong sunog nga nahitabo. Sanglit gi-verify kini ug nasayran nga naghaling apan dali ra usab nga napalong sa mga residente.
Hinuon wala gibalewala ang maong insidente ug makadawat sila sa tawag gikan sa ilang hotline number ila gihapon kini nga beripikahon ug adtoan aron malikayan ang trahedya.
Apan gipahimangnoan ni Quinto nga dili mag-tinonto o gara-gara sa tawag sanglit ang “False Alarm” makahatag kinig alarma sa publiko.
Duha kini ka klase “False Alarm” o Kanang Prank Call nga dili tinuod hinungdan nga aduna gihapon tukmang silot o punishable ang maong hitabo.
