Naka-angkon og dakong pagtagad sa publiko si Lisa Catalano, usa ka 42-anyos nga babaye gikan sa San Mateo, human kini nagpa-paskil og daghang billboards sa kahabugon sa Highway 101 ug naglunsad sa website nga MarryLisa.com aron makapangita og bana.
Si Catalano, nga siya mismo ang nagpondo sa maong kampanya, nagbutang usab og mga ads sa mga taxi isip kabahin sa iyang seryosong paningkamot sa pagpangita og kapikas sa kinabuhi, human sa sunod-sunod nga kapakyasan sa paggamit sa mga dating apps.
Sa iyang website, gipakita ni Catalano ang iyang lifestyle ug gipadayag ang iyang mga non-negotiables, lakip na ang pangandoy nga makakaplag og partner nga edad 35 hangtod 45 anyos, nga pareho og mga prinsipyo ug seryoso sa kaminyoon.
Matod pa ni Catalano, dili kini usa ka gimmick apan usa ka tinuod nga pagsulay sa pagpangita sa tama nga tawo nga makigbahin sa iyang kinabuhi.
Photo Courtesy to:Marry Lisa
