Gipahigayon ang back-to-back Payout Activities ang Department of Social Welfare and Development Field Office XII (DSWD XII), pinaagi sa Pag-abot Program sa padayon nga pagpaningkamot niini aron maabot ug mahatagag pagtagad ang mga huyang nga pamilya nga gipahigayon sa Municipal Social Welfare and Development Offices (MSWDO) sa Kiamba ug Sto. Niño niadtong nakalabayng adlaw.
Sa Kiamba, Sarangani Province, ang benepisyaryo nakadawat og livelihood assistance ug transitory shelter assistance, samtang sa Sto. Niño, South Cotabato, laing benepisyaryo usab sa Pag-abot ang nakadawat og livelihood assistance.
Ang pag pay-out sa Sto. Niño gisaksihan sa Mayor sa Munisipyo ug sa Barangay Kapitan sa Poblacion, nga nagpakita sa lig-on nga suporta sa lokal nga kagamhanan sa maong programa.
Ang mga kawani sa Pag-abot sa RPMO nitabang usab sa mga benepisyaryo sa pagpalit og mga materyales alang sa ilang gipili nga livelihood projects. Dugang pa, gitabangan sa team ang benepisyaryo sa Kiamba sa pag-abli sa usa ka savings account usa ka lakang padulong sa pinansyal nga pagpadayon.
Kini nga inisyatiba nagpakita sa lig-on nga kolaborasyon tali sa DSWD XII ug partner nga LGUs sa paghatud sa mga responsive nga interbensyon nga nagpasiugda sa self-reliance, kalig-on, ug empowerment sa mga pamilya.
Photo Courtesy to:DSWD field office 12
