Nagsugod na ang imbestigasyon sa Department of Labor and Employment (DOLE) kalabot sa reklamo sa pipila ka mga empleyado sa usa ka business process outsourcing (BPO) company sa Cebu City.
Migawas ang maong reklamo human gikatahong gipugos pa gihapon og patrabaho ang mga empleyado bisan pa sa kasamtangang linog nga nahitabo sa lugar.
Sumala sa DOLE, nakigtambayayong na sila sa DOLE Regional Office 7 aron personal nga tan-awon ug imbestigahan ang sumbong sa mga trabahante.
Gipasabot sa ahensiya nga ila usab ipatawag ug pangayuan og tubag ang management sa kompanya aron mahatagan og klarong tubag ang reklamo sa mga empleyado.
Dugang sa DOLE nga seryoso nila nga gitubag ang mga isyu nga may kalabotan sa kaluwasan ug kahimtang sa mga trabahante hilabi na kon adunay peligro sa natural nga katalagman sama sa linog.
Sa karon, nagpabilin nga padayon ang imbestigasyon ug gisaad sa DOLE nga pagahimuan nila og hustong aksyon aron masiguro nga protektado ang katungod ug seguridad sa tanan nilang mga empleyado.
Photo Courtesy to:Inquirer.net
