Gitugotan sa Department of Agriculture (DA) ang pag-angkat og pula ug puti nga sibuyas (red and white onions) apil na ang mga carrots aron mapakunhod ug mapalig-on ang presyo sa mga merkado.
Matod pa ni Agriculture Secretary Francisco Tiu Laurel Jr., misaka sa ₱140–₱160 matag kilo ang presyo sa pulang sibuyas hinungdan nga gipadali ang pag-abot sa 3,000–5,000 metric tons sa dili pa ang lokal nga pag-ani sa Pebrero.
Ang pag-angkat (importasyon) sa puti nga sibuyas nga nagsugod pa niadtong miaging bulan, nakapaubos na sa presyo ngadto sa ₱100–₱120 gikan sa ₱160.
Nagsugod na usab sa pag-angkat og limitado nga gidaghanon sa mga carrots niadtong Oktubre 1 gikan sa China, Netherlands, ug Cambodia human misaka sa ₱257.58 matag kilo ang presyo niini sa Metro Manila.
Photo courtesy: Department of Agriculture
