Gianunsyo ni kanhi eight-division champion Manny Pacquiao nga anaa na sa katapusang yugto sa negosasyon ang iyang away batok kang WBA world welterweight champion Rolly Romero.
Gipaambit sa 46-anyos nga si Pacquiao ang balita sa Thrilla in Manila 50th Anniversary press conference sa Quezon City.
Naila isip Filipino boxing icon, gitapos ni Pacquiao ang iyang upat ka tuig nga pagretiro niadtong Hulyo dihang nakig-away siya kang WBC world welterweight champion Mario Barrios, usa ka away nga gituohan sa mga eksperto nga siya ang midaog, apan nahimong tabla.
Wala madugay human sa away, masaligon nga gipahayag ni Pacquiao nga aduna pa siyay gikinahanglan aron makigkumpetensya ug gusto siyang mobalik sa ring alang sa usa pa ka torneo.
ang posibleng engkwentro nila ni Pacquiao ug Romero gipunting nga mahitabo sa Disyembre, sa bulan diin mag-47 anyos si Pacquiao.
lagpasan ni Pacquiao ang iyang kaugalingon nga rekord isip kinamagulangan nga welterweight world champion sa kasaysayan (40 anyos) kung makadaog siya batok kang Romero.
Photo courtesy: Boxe Punch
